Destroyers mester a lucha pa gana Quisqueya 5-3 den Liga van Engelen

WILLEMSTAD - Destroyers, ekipo di Win Celestina, mester a lucha pa gana e sotaneronan Quisqueya djadumingu último na Suvek Ballpark. Destroyers ku picheo di Norman ‘Nonnie’ de Roon a gana Quisqueya apénas 5-3 djadumingu mainta tempran.
Den otro weganan Dalpega a gana miéntras Jaws a pèrdè i trese un empate na di 4 luga.

RESULTADONAN
Djadumingu 6 di sèptèmber
Destroyers 5, Quisqueya 3
E ekipo Destroyers tabatin 8 hit i nan a kometé 3 eror.
Picher ganadó tabata Norman de Roon, miéntras Irving Sambo a bai di 3-2.
Erling Gosepa i Irving Sambo a konektá 1 homerun.
Quisqueya a bati 9 hit i nan a hasi 1 eror.
Ralph Hermans a pèrdè i Edmiro Chirino a bai di 3-2.

Crazy Tigers 10, Navegantes 8
E ekipo Crazy Tigers a bati 12 inkogibel i nan a hunga impekabel.
Ganadó tabata Roderick Sambo, miéntras Michel Huyzen i Rafael Alberto a bai di 1-1.
Dennis D'Arnault a konektá 1 bataso di kuater skina.
Navegantes tabatin 11 hit i nan a hasi 4 eror.
Pèrdèdó tabata Axel Gomez,
Lyndon Magloire a bati di 4-3. Egbert Polonius i Aaron Boelbaai a konektá 1 homerun.

Dalpega 14, Lions 1
Dalpega a bati 18 hit i nan a kometé 3 pifio.
Lesly Martina a gana.
Ryan Samuel a bati di 4-4.
Norvaniel Aniseta a konektá 1 homerun.
Lions a bati 4 hit i nan a hasi 2 eror. Armand Bernabela a pèrdè i Charlton Daal a bati di 2-2.

Swift 14, Jaws 3
Swift a bati 12 hit i kometé 1 pifio. Donovan Seferina a bai ku e viktoria i Joël Balentina a bai di 2-2.
Enrique Kroon a konektá 2 bataso di kuater skina.
Joël Angelista, Lindomar Cathalina i Dave Kirindongo, tur a konektá unu.
Jaws a bati 3 hit i kometé 2 eror. Patrick Laken a sufri e derota i Bryan Kook a bati di 2-2.
Shurandy Lourens a konektá 1 homerun.