Navegantes ta dal Quisqueya 10-5 siman pasá

WILLEMSTAD - Navegantes di Che Liberia a logra nan di dos viktoria den e kampionato 2009 ganando e sotaneronan Quisqueya ku sor di 10-5.
E ekipo Crazy Tigers a pèrdè pa defolt kontra Destoyers debí ku nan no a kompletá 9 hungadó. Investigshon ku nos a hasi ta indiká ku e ekipo di Stanley Palm tabata presente pa start wega. na e ora indiká i no tabatin umpire. A bai buksa umpire i a resultá ku a forfeit e wega 4.15 pm. E wega mester a kuminsá 2’or.
Crazy Tigers a manda un karta serio pa direktiva di Liga van Engelen.
Keda pendiente pa mas informashon.

Navegantes 10, Quisqueya 5
Navegantes tabatin 11 hit i nan a hasi 1 eror.
Axel Gomez a bai ku e viktoria i Arthur Franka a bai di 4-3.
Quisqueya a bati 9 hit i nan a hasi 2 eror. Ralph Hermans a pèrdè i Rolando Castro a bai di 2-2. Rolando Castro a konektá 1 homerun.

Destroyers 7, Crazy Tigers 0
Destroyers a gana Crazy Tigers pa forfeit manera nos a relatá mas ariba.


Jaws 19, Lions 7
Jaws a bati 13 hit i an a kometé 3 pifio.
Gurtney Adriana a gana, miétras Brian Kook a bati di 3-3.
Charlton Merite, Shurandy Lourens, Quincy Kook, Hubert v/h Kruys i
David Hoogenbergen a konektá 1 bataso di kuater skina.
Pa Lions 10 hit i 3 eror.
Churney Hoyer a sufri e derota i Raymond Martis a bai di 2-2.
Arthur Kops a bai di 3-3.

Swift 12, Dalpega 4
Swift tabatin 11 hit i nan a kometé 3 pifio.
Ganadó tabata Railyson Gijsbertha. Lindomar Cathalina a bai di 3-3. Dave Kirindongo a konektá 1 homerun.
Dalpega a bati 7 hit i nan a hunga sin hasi eror.
Gilbert Henrietta a pèrdè.
Norvaniel Aniseta i Emerick Agatha a bai di 1-1.