Swift a gana Happy Stars 12-8 ayera den Liga 40

WILLEMSTAD - Swift ku dos homerun krusial a gana Happy Stars ku skor di 12-8 den Liga 40.
Jose Cijntje a dal homerun ku dos na base ku Swift atras 4-3, miéntras Eloigio ‘Maiky’ Philips a dal un grandslam pa habri e wega den kabes di di 5 inning.
Defensa di Happy Stars a faya algun hugada krusial ku mester a sera inning.

Den e otro wega Catpower a habraká Q-Rangers 26-0 ku picheo di Lionel Li.
Otro siman djaweps Happy Stars tin otro wega krusial kontra di Baranka ku tin mes tantu wega pèrdi ku Happy Stars.

RESULTADONAN
Swift 12, Happy Stars 8
Swift a dal 11 hit i kometé 1 eror. Rene Hooi a gana i Elogio Philips a bati di 2-2.
Elogio Philips i Jose Cijnte a konektá homerun.
Happy STars a dal 10 hit i kometé 1 eror. Gregory Martijn a pèrdè. Grensley
‘Tutuchi’ La Croes i Farly Lourens a bati di 1-1. Erwin ‘Junny’ Marsden tabatin un homerun.

Caterpillar 26, Q-Rangers 0
Caterpillar a bati 21 hit i kometé 1 eror. Lionel Li a gana i Dennis D’Arnault a bati di 4-4. Edward Pieternella i Richenel Isabella di 3-3 i Sherman ‘Cai’ Loenora di 2-2.
Dennis D’Arnault a dal dos homerun, Sedeney ‘Mr. Spider’ a konektá un homerun.
Q-Rangers a dal 1 hit i hasi 5 eror. Kenneth Jonis tabata e picher pèrdèdó i Eric ‘Baba’ Hatona a bati di 1-1.
Weganan ta sigui djamars 15 di sèptèmber.