Veteranos San Marco ta gana MNO Vervat Forsa ku skor di 11-9 den Liga Amistad

WILLEMSTAD - Veteranos San Marco mester a lucha formal pa gana di MNO Vervat, ekipo sotanero di Liga Amistad.
Marlon ‘Boko’ Ricardo a dominá e ekipo di Veteranos pero un defensa defisiente di e ekipo di MNO Vervat a pone ku e ekipo di Veteranos a pasa riba MNO Vervat tòg ku skor di 11-9.
MNO Vervat a kometé 8 eror. Weganan ta sigui djadumingu awor na Ricardo Elhage Ballpark.

RESULTADONAN
San Marco 11, MNO-Vervat 9
San Marco a bati 7 hit i nan a kometé 2 pifio.
Kenneth Ortega tabata esun ku a gana, miéntras Ralph Halmeyer i Donato van Thijs a bai di 3-2. Lindomar Cathalina a konektá 1 homerun.
MNO-Vervat a bati 12 hit i nan a hasi 8 eror.
Marlon Ricardo tabata esun ku a pèrdè. Shanon Kleinmoedig a bati di 4-4.

Djadumingu 6 di sèptèmber
Domi 11, Molester 2
Domi a bati 11 hit i nan a kometé 2 eror.
Ellerick Rodriguez tabata
picher ganadó, miéntras Rudsel Isabella i Charlton Merite a bai di 4-3.
Stephen Gibs a konektá 1 homerun.
Molester a bati 7 hit i nan a hasi 4 eror.
Elton Richardson tabata pèrdèdó i e mes a bai di 2-2.

Revelation Stars 14, Botika Mampuritu 6
Revelation Stars tabatin 12 inkogibel i nan a hunga sin eror.
Joël Balentina a gana, miéntras Irving Sambo i Ludwig Pietersz a bati di 3-3.
Irving Sambo i Emerick Agatha a konektá 1 bataso di kuater skina.
Botika Mampuritu a bati 12 hit i nan a hasi 5 eror.
Ellison Brunken a pèrdè i Bryan Kook a bati di 3-3.

Magic Kaba Kos 11, Clase Aparte 9
E ekipo Magic Kaba Kos a bati 12 hit i nan a kometé 4 pifio.
Francisco Alcantara a bai ku e viktoria, miéntras Edmiro Chirino a bati di 3-3.
Giovanni Isebia i Friederich Carolus a konektá 1 homerun.
Clase Aparte tabatin 7 hit i nan a hasi 3 eror.
Rolando Castro a pèrdè.
Jonathan Pascual a bai di 3-3.