Baranka a gana Catpower 7-6 djamars den Liga 40

WILLEMSTAD - Liga 40 a kontinuá djamars anochi ku dos wega na Suvek Ballpark.
Baranka a sigui ku nan racha viktorioso i a gana Caterpillar ku ta number unu riba e standing ku skor di 7-6.
Caterpillar promé ku e derota di ayeranochi taba-tin 10 wega gana siguí. Ultimo wega ku Catpower a pèrdè promé ku ayera tabata kontra Happy Stars dia 18 di yüni.

Den otro wega Rising Trotters a keda ku speransa pa klasifiká ganando di Exito ku skor di 12-6.
Baranka tin 6 wega siguí ganá despues ku nan a pèrdè dos wega konsekutivo dia 16 i 1 di yüli kontra respektivamente Swift i Rising Trotters.

Baranka 7, Caterpillar 6
Baranka a dal 8 hit i hasi 1 eror. Mayron Wijman a gana i Sendley Reina a bati di 2-2.
Caterpillar a konektá 7 hit i hasi 1eror. Edward Pieternella a pèrdè i Pursey Schoop a bait di 2-2.

Rising Trotters 12, Exito 6 Rising Trotters a konektá 10 hit i hasi 4 eror. Lesley ‘Le’ Martina a gana i Gerton Matrona (Terremaster Connection) a bati di 2-2.
Aldrin Paesch a konektá un homerun.
Exito a bati 2 hit i hasi 3 eror. Isaac Francees a resultá e picher pèrdèdó i Richard Campagnard a bati di 2-1.

Liga 40 ta kontinuá dia 1 òktober 7.30 Navegantes - Jaws.
Jaws tin un chèns remoto pa klasifiká pero nan tin ku kuminsá gana si i spera ku Swift i Rising Trotters ta pèrdè.
21.30 Happy Stars - Barbouquet Stars.