Lions i Marlins ta klasifika pa final di Liga 50

WILLEMSTAD - Lions i Marlins a gana e wega di semi-final i klasifiká pa play-off final di Liga 50
Promé wega a bai entre Lions ku a terminá number 4 kontra Jaws ku a sali number 1.
Lions a sorprendé Jaws ganando 14-13.
Lions a dal 11 hit i hasi 5 eror. Felix Arundell a gana. Wotty Phelipa a bati di 2-2 i Tyron Minguel a bati un homerun.
Jaws a dal 16 hit i hasi 5 eror. Wilfred File a pèrdè i Bramford Hasham a bati di 4-4.

Den e di dos wega otro sorpresa a kai. Marlins a dal Catpower 10-9 lagando Catpower den tereno. Marlins a terminá number dos den e kampionato regular, miéntras Catpower a terminá number 3. Wim Felicia picher estelar di Catpower no tabata presente.
Marlins a dal 14 hit i hasi 2 eror. Hubert Bazoer a gana i Rignald Hariquez a bati di 3-3. Abelino Julia tambe di 3-3.
Catpower a bati 11 hit i hasi 2 eror. Sixto Schoop a pèrdè, Roque Bernadina i Elston Simmons a bati di 3-2.