Dalpega ta terminá kampionato regular ku viktoria riba Quisqueya

WILLEMSTAD - Dalpega ku ya a klasifiká promé ku e wega di djadu-mingu a gana Quisqueya fásil ku skor di 10-1 pa terminá na puesto number 4.
Ku un derota Dalpega lo a klasifiká tòg pero nan a hunga estilo play-off pa gana di Quisqueya.
Swift a nòkout Lions 11-1 i terminá number 3 di Liga van Engelen 2009.

RESULTADONAN
Dalpega 15, Quisqueya 1
E ekipo Dalpega tabatin 12 hit i nan a hunga impekabel.
Lesly Martina a gana, miéntras Abigail Vilchez a bati di 3-3.
Ryan Samuel a bai di 2-2.
Quisqueya a dal 4 hit i hunga sin kometé eror.
Ralph Hermans a sufri e derota.
Enrique Madera a bati di 3-2.

Uniko 12, Navegantes 11
Uniko a bati 18 hit i nan a kometé 2 eror.
Ganadó tabata Gustaaf Barhorst. Giovanni Maduro i Glen Pietersz a bati di 2-2.
Navegantes tabatin 10 hit i nan a hasi 3 eror.
Pèrdèdó tabata Lesly Conradus i Lyndon Magloire a bai di 2-2.

Swift 11, Lions 1
E ekipo Swift a bati 14 inkogibel i nan a hunga sin eror. Donovan Seferina a bai ku e viktoria, miéntras Lindomar Cathalina a bai di 2-2. Silvio Cruz a konektá 1 bataso di kuater skina.
Lions a bati 3 hit i hasi 2 eror. Juriën Martina a pèrdè.
Juriën Martina i Orlando Gerard a bati di 2-1.

Crazy Tigers 10, Quisqueya 8
Crazy Tigers tabatin 11 hit i nan a kometé 1 pifio.
Ganadó tabata Ryan Penso i
Roderick Sambo a bati di 3-3.
Pa Quisqueya 11 hit i 2 eror.
Pèrdèdó tabata Jacob Antonia. Elmus Paulo a bai di 4-4. Wilkin Lockhardt a konektá 1 homerun.

Destroyers 13, Baranka 6
E numeritonan kompleto di Destroyers nos no a logra haña.
Picher ganadó tabata Rignald Hooi, miéntras Merieldo Trinidad a bati di 2-2.
Gilbert Juliet tambe a bati di 2-2. Irvng Sambo i Faisel Pereira a konektá 1 bataso di kuater skina.
Baranka a bati 7 hit i hasi 2 eror. Glendomar Davelaar a pèrdè. Edmar Cornelia a bai di 2-2 inkluyendo 1 homerun.