Happy Stars ta dal Catpower 10-4 i Exito ta sorprendé Swift 14-13

WILLEMSTAD - Liga 40 tabatin wega riba djabièrnè despues di hopi aña. Den e promé wega Exito a sorprendé e ekipo Swift ganando 14-13. Den promé inning Exito tabata ganá 13-1, pero poko poko Swift a yega serka i empatá e wega den nan último oportunidat riba grandslam di Frenny ‘Piri’ Delfina.
Exito den Tie Break a laga Swift den tereno despues ku senterfield Payo Gabriel i rightfielder Bramford Hasham a dal den otro i e bala ta kai. E koredó na segunda a kore te home pa asina terminá e wega.

Happy Stars 10, Catpower 4
Happy Stars ku tremendo bateo di Ludwig Pietersz i picheo di Wim Felicia a gana Catpower 10-4.
Ludwig Pietersz tabatin dos homerun klave den e wega i a empuhá 5 kareda.
Lionel Li i Eduard ‘Bati’ Pieternella a tira pa Catpower.