Revelation Stars, Auto City, San Marco, Magic i Botika Mampuritu ta klasifiká

WILLEMSTAD - Sinku ekipo di Liga Amistad, respektivamente Revelation Stars, Domi Auto City, Veteranos San Marco, Magic Kaba Kos i Botika Mampuritu a klasifiká pa Round Robbin di Liga Amistad. Falta un ekipo mas pa sera 6 ekipo ku mester klasifiká.
Djadumingu awor 12’or tin wega entre GGD i Clase Aparte pa disidí kua ekipo ta klasifiká number 6.

Play-off Round Robbin ta start dia 18 di òktober na Ricardo Elhage Ballpark.

Djadumingu 4 di òktober
Veteranos San Marco 12, GGD 7
Veteranos San Marco tabatin 12 hit i nan a kometé 2 pifio.
Kenneth Ortega tabata picher ganadó i Ericson Senior a bati di 4-3.
Kenneth Ortega, Ericson Senior, Gerthon Matrona
i Jeanurvine Pieternella, tur a konektá 1 homerun.
GGD a bati 13 hit i nan a hasi 1 eror.
Pèrdèdó tabata Gregory Martijn, miéntras
Rennick Kook i Wilhelm Lindebergh a bai di 4-3.
Wilhelm Lindebergh a konektá 1 homerun.

MNO Vervat 11, Emiliano Stars 2
MNO Vervat a bati 16 inkogibel i nan a pifia na 1 okashon. Marlon Ricardo a gana i Walle a bati di 4-4.
Socrates Martien a bati di 4-3.
Emiliano tabatin 6 hit i nan a hasi 4 eror.
Ralph Hermans a pèrdè. Rigobert Cijnje i Carlos Leito a bati di 3-2.

Nos ku Nos Botika Mampuritu 17, Molester 7
Nos ku Nos Botika Mampuritu a bati 14 hit i nan a kometé 2 pifio.
Germain Bunken a bai ku e viktoria i Brian Kook a bati di 4-3.
Gilbert Gonet a bai di 2-2.
Sedney Clementina i Richenne Antonia a konektá 1 bataso di kuater skina.
Molester a bati 8 hit i nan a hasi 4 eror.
Elton Richardson a sufri e derota.
Edison Cornet a bati di 2-2 i Anchel de Palm a bai di 3-2.

Domi AutoCity vs Magic Kaba Kos a wòrdu di Game, pasobra AutoCity tabatin un hungadó ilegal riba starting line-up.