Destroyers, Baranka, Swift i Dalpega den play-off Liga van Engelen djadumingu, 25 di oktober

E promé kuater ekiponan di Liga van Engelen, Destroyers, Baranka, Swift i Dalpega ta start ku play-off Liga van Engelen dja-dumingu awor na Suvek Ballpark.

Destroyers a terminá number 1, Baranka number 2, Swift number 3 i Dalpega number 4 di e Major League di Sòftbòl Slowpitch, esta Liga van Engelen.

SKEDJEL
10.00 Swift - Dalpega;
12.00 Destroyers - Baranka;
14.00 Dalpega - Swift;
16.00 Baranka - Destroyers.
E promé ekipo ta ekipo di kas.

Ganadó di Destroyers - Baranka ta bai final dirèkt.
Pèrdèdó di Destroyers -Baranka ta hunga kontra di e ganadó di Swift vs Dalpega.
Pèrdèdó di Swift vs Dalpega ta warda te otro aña atrobe. Entrada ta kompletamente gratis.
Manera kustumber lo tin security na porta pa kontrolá tur hende i vehíkulo.
No ta permití pa trese konsumo riba Suvek Softball Park. Spònsernan Coca Cola i Amstel ta invitá tur fanátiko pa bin apoyá.