WILLEMSTAD - E tres mihó ekiponan di Liga Amistad a pasa relatívamente fásil riba nan kontrinkantenan djadumingu den e promé siman di Round Robbin Liga Amistad na Ricardo Elhage Ballpark.
Djadumingu 18 di òktober
Revelation Stars 15, GGD 8
Revelation Stars a bati 15 hit i nan a kometé 3 eror.
Ganadó tabata Willem Felicia i Rachid Mauricia a bai di 3-2.
Merieldo Trinidad, Helary Plantijn i Jair Josepha a konektá 1 homerun.
GGD tabatin 10 hit i nan a hasi 6 eror.
Picher pèrdèdó a resultá Anthonie Servanie, miéntras Cedric Curiel a bai di 4-4.
Mas resultado di Round Robbin Liga Amistad.
San Marco 11, Magic Kaba Kos 0
San Marco a bati 10 inkogibel i nan a hunga impekabel.
Sharlon Hanst a bai ku e viktoria, miéntras Ivar Martis a bai di 2-2. Gerald Leonora i Eldred Estanista a konektá 1 bataso di kuater skina.
Magic Kaba Kos tabatin 5 hit i nan a hasi 2 eror.
Francisco Alcantara a sufri e derota. 4 hungadó a bai di 1-1.
Domi Auto-City 7, Nos ku Nos Botika Mampuritu 5
Domi Auto-City tabatin 9 hit i nan no a kometé eror.
Ellerick Rodriguez a gana i Randolph Kirindongo a bai di 3-2.
Nos ku Nos Botika Mampuritu tabatin 12 hit i nan a hunga impekabel. Angel Brunken a pèrdè. Brian Kook a bai di 3-3 inkluyendo 1 homerun.
No comments:
Post a Comment