Liga Amistad ta start djadumingu awor na Ricardo Elhage Ballpark

WILLEMSTAD - Liga Amistad ta start djadumingu 27 di yüni na Ricardo Elhage Ballpark ku 11 ekipo.
E ekipo di Jolly Juliana, Brievengat Boys a djoin e liga.

BRIEVENGAT BOYS
E ekipo di Jolly Juliana te ku aña pasá tabata partisipá den Liga Trai Seru.
E liga ku ta hunga na Cirilo Chirino Ballpark no ta bai dor e aña aki i Brievengat Boys lo partisipá den Liga Amistad.

REVELATION STARS
Ekipo kampion di 2009 lo presentá mes fuerte.
E aña aki, manera anunsiá for di aña pasá, e ekipo lo ta den man di Tineke i Merieldo Trinidad.
Mester tene kuenta si ku ta solamente 3 hungadó Dòbel A por ta riba lista di un ekipo di Liga Amistad.
Revelation Stars ta faborito atrobe pa bira kampion di Liga Amsitad.

GGD
GGD, ekipo supkampion di aña pasá lo presentá fuerte atrobe pa kompetí den e grandinan.
Den kurso di mayan nos tin mas detaye.