Sta Maria Pirates a pasa perta riba Azucar den Beisbol Veterano

WILLEMSTAD - Sta Maria Pirates veterano a soda basta pa por a gana di Azucar ku skor di 2 pa 1.
Pa Sta Maria Pirates 2 kareda 5 hit i 1 eror. Picher ganado Ernesto Marks. Miho bate Geronimo Daflaar di 1 – 1. Pa Azucar 1 kareda 6 hit i 0 eror. Picher perdedo Frank Leuteria. Miho bate Richard Campagnard di 2 -2. Homerun di Richard Campagnard.
Por sierto ku den e wega Ernesto Mango Marks ku tabata picha a haña un leshon na su rudia ora un bala bati a dale na su rudia .
Beisbol veterano ta desea Mango Marks un pronto rekuperashon.

Sta Rosa Memories a nokout Nos Union ku skor di 17 pa 2. Pa Sta Rosa Memories 17 kareda 15 hit i 2 eror. Picher ganado Richenel Mouricio. Miho bate Lindon Pitufo Lourens di 4 – 4. Pa Nos Union 2 kareda 5 hit i 2 eror. Picher perdedo Keneth Mauricia. Miho bate Randolph Dolfi Mercera di 2 – 2.

Otrabanda a gana di Surprise ku skor di 14 pa 5. Pa Otrabanda 14 kareda 16 hit i 5 eror. Picher ganado Arsenio Servanie. Miho bate Pursey Pepe Meulens i Raimy Bentura di 2 -2. Pa Surprise 5 kareda 5 hit I 4 eror. Picher perdedo Miguel Walle. Miho bate Miguel Walle di 2 – 2.

Djadumingu tur wega mester a para debi na e torensial awaseru ku a kai. E kampionato ta sigui wikent awor na velt Vi Jansen na kolebra bèrdè ku e siguiente weganan. Djasabra 26 di yuni pa 10.30 Vosama kontra Yesterday. Pa 13.00 Surprise kontra Eagle i pa 15.30 The Bears kontra Sta Rosa Memories. Djadumingu 27 di yuni pa 10.30 The Bulldogs kontra Sta Maria Pirates 13.00 Otrabanda kontra Azucar. 15.30 Nos Union kontra Brievengat