Swift ta dal Destroyers duru 16-2 djadumingu den Liga van Engelen

WILLEMSTAD - Liga van Engelen a sigui ku 5 wega djadumingu último na Suvek Ballpark.
E wega ku tabatin tur fanátiko pendiente tabata entre Swift i Destroyers.
Swift ku a pèrdè ku skor grandi kontra Baranka e wikènt promé a dal Destroyers duru pa
nòkout ku skor di 16-2.

Navegantes di Che Liberia a gana nan promé wega den Liga van Engelen 2010 ku un viktoria konvinsente di 14 pa 5 riba Lions.

RESULTADONAN
Djadumingu 30 di mei
Swift 16, Destroyers 2
E ekipo Swift tabatin 15 hit i nan a kometé 2 eror.
Ganadó tabata Raylison Gijsbertha, miéntras ku Joell
Angelista a bai di 3-3.
Michelangelo Celestina a bati di 2-2. Jurgen Kronstadt a konektá 2 homerun.
Jair Josepha, Dave Kirindongo i Dimitri Leon a konektá 1.
Destroyers a bati 8 hit i nan a hasi 1 eror.
Shurendy de Lima tabata pèrdèdó i Leujenne Francisca a bai di 2-2.

Crazy Tigers 11, St. Michael Mariners 7
Crazy Tigers a bati 15

inkogibel i nan a kometé 3 pifio.
Curtly Valeriaan a gana.
Richinel Ostiana i Sidney de Windt a bai di 3-2.
Luisgardo Alvarez. Vernon Isabella i Sidney de Windt
a konektá 1 bataso di kwater skina.
St. Michael Mariners a bati 8 hit i nan a hasi 3 eror.
Norman de Roon a pèrdè i e mes a bai di 2-2.

Baranka 17, Quisqueya 2
Baranka tabatin 16 hit i nan a hasi 2 eror.
Kenrick Hellement tabata picher ganadó i Willy Reinita a bai di 4-3.
Mayron Martinus tambe a bai di 4-3 inkluyendo 1 homerun.
Winsley Ansano i Rensley Koeyers tambe a konektá 1 homerun.
Quisqueya a bati 2 hit i nan a hasi 4 eror.
Rolando Castro tabata picher pèrdèdó i Wilkin Lockhardt a bai di 2-1.
Gilberto Pietersz tambe a bai di 2-1.
Gilberto Pietersz a konektá 1 homerun.

Jaws 7, Uniko 6
Jaws a bati 11 hit i nan a hasi 3 eror.
Rodney Windster a gana, miéntras Lindsy Maccow a bai di 4-4.
Uniko tabatin 11 hit i nan a hasi 4 eror.
Claifson Domacasse a pèrdè i Bertyson Ignacia a bai di 2-2.

Navegantes 14, Lions 5
Navegantes a bati 18 hit i nan a kometé 3 pifio.
Glen Pieternella a bai ku e viktoria, miéntras Edwin Thielman a bati di 3-3.
Edwin Thielman a konektá 1 bataso di kwater skina.
Lions tabatin 10 hit i nan a hasi 2 eror.
Rudsel Joseph a sufri e derota.
Patrick Eliza a bai di 4-4.