Pancho Chirino, manager di Little Pariba:“Little League Liga Pariba ta bini fuerte pa para e racha di Little League Pabou”

“Nos ta bini fuerte pa para e racha di 7 aña sigui di Liga Pabou”, asina e
manager Edmiro ‘Pancho’ Chirino di Little League Liga Pariba a bisa Softballcuracao.com

Pancho:”Nos tin tremendo picheo, mas ku 6 picher ku ta tira fuerte i bon. Ke mèn, nos tin 3 picher pa Liga Willemstad i 3 picher pa Pabou. Nos bateo tambe ta fuertísimo. Nos a prepará pa tur kos.
Nos por hinka e bala den wega tambe òf pone toke si resultá ku Pabou bini ku un picheo fèrfelu.
Liga Pariba Little League a haña tres hungadó ku tabata den Liga Sentral ku mester a pasa pa Liga Pariba.
Tres hungadó tremendo. Nan ta Winklaar, Klabeer i Adriana.
E gainan aki tabata den e ekipo di Minor huntu ku mi ku a gana Pabou i Willemstad na 2008.
Mi ta kòrda ku nos a sali pèrdè promé wega pa despues gana tres.
Ke mèn, no tin problema ku sali pèrdè e promé pa bini bèk.
Hopi ta bisa ku Pariba den Junior e aña aki tabatin bon tim, pero ora nan a sali pèrdè e promé nan a kai den otro. Serka mi muchanan no, na 2008 nan a sali pèrdè promé wega 10-0 kontra Pabou i bini bèk.
Mi ta bai sweep e serie i terminá ku 4 ganá i 0 pèrdí.
Nan a skibi den korant ku nan ta rustig, bisa nan ta rustig nan mester keda tambe. Vernon a kue 7 siguí ku Liga Pabou i awor ta burt di Pancho pa kua 7 sigui ku Liga Pariba.”