WILLEMSTAD - E selekshon Senior di Liga Pariba ku djadumingu último a klasifiká pa kampionato Latino Americano a trein djamars 1 di yuni despues di e tuma dos dia di deskanso.
Djadumingu e selekshon di Liga Pariba Senior bou di direkshon di Mayron Isenia a gana Willemstad konvinsente 11-0 pa sali number unu den Senior riba Liga Pabou pa diferensia di kareda.
Nos a papia ku Mayron Isenia manager di e selekshon.
“E promé wega tabata hooi imporante pa nos. E wega tabata kontra Pabou i nos a gana 5-1. E wega tabata pèrtá 1-1 te den di 5 inning mas o menos. Einan nos a los i a hasi e wega 5-1.
E último wega ku Pabou a hunga i gana 14-7, ke mén tuma 7 kareda kontra di Pabou a yuda nos masha hopi. Nos a bai e último wega kontra Willemstad muchu mas trankil.
Nos picher slengu Wimpy van Heyningen a blankia Willemstad i nos a klasifiká tòg relatívamente fásil.
Nos ta preparando fuerte pa dia 16 di yüli nos biaha pa Aruba. E ekipo aki ta hopi talentoso. E muchanan aki a gana for di den Minor na 2005 i mala suerte a keda kompañanan i nan a keda sin gana mas te ku aña pasá.
E parti fuerte di e ekipo aki ta e union, nan ta hopi uni mes. Union ta hasi forsa i hopi no ta para ketu, union ta yuda hopi”, Mayron Isenia a splika Softballcuracao.com.
No comments:
Post a Comment