Sluggers ta gana Lions ku skor di 7-3 den Liga 50

WILLEMSTAD - Liga 50 a sigui djasabra na Cirilo Chirino Ballpark ku dos wega. Den e di dos wega Mon Repos Sluggers a gana Lions ku skor di 7-3. Den e otro wega Jaws a pasa fásil 12-0 riba Los Amigos.

RESULTADONAN
Sluggers 7, Lions 3
Sluggers a konektá 11 hit i hunga sin eror. Stanley ‘Papa Upa’ Willems a gana i Wimbert ‘SVB’ Hato i Richenel Boeldak a bati di 3-2. Wimbert Hato tabatin un homerun.
Lions a dal 13 hit i hasi 3 eror. Felix Arundell a pèrdè i Cliffor den Hartog a bati di 2-2.

Jaws 12, Los Amigos 0
Jaws a dal 10 hit i hasi 1 eror. Wilfred File a gana i Norwin Obispo a bati di 2-2.
Amigos a dal 1 hit i hasi 3 eror. De Paula a pèrdè i Cicilia a bati di 2-1.