Buena Vista Power kontra Dalpega djadumingu 4’or na Suvek

VAN ENGELEN - Play-off Liga Van Engelen ta start dia 14 di òktober.
Buena Vista Power kontra Dalpega djadumingu awor na Suvek Ballpark
Buena Vista Power ku tin rekort di 14 ganá i 4 pèrdí lo enfrentá Dalpega djadumingu awor na Suvek Ballpark.

Buena Vista Power mester gana e wega aki pa empatá na puesto number 2 ku Baranka Napa Auto Parts.
Baranka tin rekòrt di 15-4 i a hunga tur nan weganan di kampionato regular.
Play-off ta start dia 14 di òktober na Suvek Ballpark.

DESKITE
Si Buena Vista Power gana nan tambe lo tin rekòrt di 15-4 i mester hunga deskite kontra Baranka debí ku e dos ekiponan aki a split e serie durante kampionato regular.
E wega di deskite lo tuma lugá djarason 10 di òktober pa 8'or di anochi na Suvek Ballpark.
Ganadó di e wega aki lo termina number dos i lo kum-biní naturalmente den e
sistema di page.