Domi ta eliminá Nos ku Nos, Veteranos ta klasifiká pa final di Liga Amistad ku dos viktoria riba Arpo

ZAPATEER - Veteranos a gana Arpo dos biaha pa nòkout i klasifiká pa final di Liga Amistad pa di dos aña siguí. Domi supkampion di aña 2006 ta gana Nos ku Nos Botika Mampuritu dos biaha pa pasa pa semi-final. Domi i Arpo lo enfrentá otro dos biaha djadumingu, 7 di òktober 12’or i 2’or na Ricardo Elhage Ballpark.

RESULTADONAN
Domi Nature Valley 18, Botika Mampuritu 3
Domi a dal 13 hit i hasi 1 eror. Ellerick Rodriguez a gana i Dayron Matrona a bati di 3-3. Dayron Matrona a dal 2 homerun, Shurandy Lourens, Rodney Rodriguez i Kurnell Adelina a bati unu.
Botica Mampuritu a dal 5 hit i hasi 5 eror. Germaine Brunken a pèrdè i Derrel Evelina i Golbert ‘Bibi’ Gonet a bati di 1-1.

Veteranos San Marco 19, Arpo 4
Veteranos a dal 20 hit i hasi 1 eror. Willem Felicia a gana i Mayron Martinus di 4-4.
Veteranos a dal 7 homerun. Jair Josepha a dal 2 homerun. Ivar Martis, Mayron Martinus, Silvio Cruz, Remy Thielman i Orlando Rosina a dal un homerun.
Arpo a bati 6 hit i hasi 1 eror. Jose Marmol tabata e picher pèrdèdó. Enrique Madera, Jose Marmol i Fernando Rosario a bati di 1-1. Eldred Estanista i Juan Fernandez a konektá un homerun.

Domi Nature Valley 22, Botika Mampuritu 13
E ekipo Domi tabatin 24 hit i nan a hunga impekabel. Ellerick Rodriguez a resultá e ganadó, miéntras Dayron Matrona a bai di 6-4.
Farley Kip a konektá 2 homerun. Ian Ignacio, Stanford Landburg, Rodney Rodriguez i Ellerick Rodriguez a konektá unu.
Pa Botika Mampuritu 19 hit i 3 eror.
Farley Lard tabata e picher pèrdèdó. Patrick Elisa i Merieldo Trinidad a bati di 4-3. Patrick Elisa a bati dos homerun i Golbert Gomet, Merieldo Trinidad i Humphrey Antonio unu.

Veteranos San Marco 17, Arpo 3
Veteranos San Marco tabatin 19 inkogibel i nan a kometé un pifio. Norman De Roon a bai ku e viktoria i Remy Thielman i Robertico Ramazan di 4-3. Ivar Martis, Remy Thielman, Sedney De Windt i Robertico Ramazan a bati 2 homerun. Arlison Rodriguez a bati unu.
Arpo a bati 6 hit i nan a pifia 5 biaha. Jose Marmol a pèrdè i Juan Fernandez a bai di 2-1. Socrates Demorizi i Eldred Estanista a konektá un homerun.