Swift ta gana un wega di Buena Vista Power, Dalpega i Baranka ta split

VAN ENGELEN - Swift a gana Buena Vista Power ku skor di 10-5 ku bon picheo di Juan Cicilia.
E di dos wega entre Swift i Buena Vista Power a keda suspendé debí ku a bira muchu lat.
E serie entre Dalpega i Baranka a split, tur dos tim a gana un wega.
Dalpega a gana e promé wega 14-7 miéntras Baranka despues di tabata pèrdí kasi henter wega number dos ta bòns bèk i gana 18-17 di Dalpega.

Play-Off Liga van Engelen ta sigui djadumingu 28 di oktober na Suvek.
Swift lo enfrentá Buena Vista Power den e promé wega, despues lo hunga Baranka - Dalpega.


Dalpega 14, Baranka 7
Den e promé wega di djadumingu mainta entre ekipo number 3 (Baranka) i Dalpega number 4 ta bai fásil pa Dalpega.
E ekipo Dalpega a bati 18 hit i nan a hasi 3 eror.
Jose Obispa tabata e picher ganadó, miéntras Eugene Martijn a bati di 5-4.
Tyronne de Palm a konektá un homerun. Baranka tabatin 6 hit i nan a kometé 7 eror.
Kenrick Hellement tabata e pèrdèdó.
Mayron Martinus i Gregory Reina a bai di 4-2.
Edmar Cornelia i Gregory Reina a konektá un homerun.

Swift 10, Buena Vista Power 5
Buena Vista Power ta sali bai ariba 5-0 pero ta keda einan.
Swift ta bini bèk fuerte i gana 10-5.
E ekipo Swift a bati 10 hit i nan a hasi un eror.
Juan Cicilia a gana, miéntras Julien Ignacio a bati di 2-2.
Edphrim Cicilia, Jair Josepha i Elogio Philips a konektá un bataso di kwater skina.
Buena Vista Power a bati 10 hit i hasi 2 eror.
Lionel Li a pèrdè i Miro Daal a bati di 4-3.
Mayron Wijman i Gilbert Juliet a konektá un bataso di kwater skina.

Baranka 18, Dalpega 17
Dalpega tabata ganá fásil ku skor di 10-2. Baranka konosí pa un ekipo ku no ta give up a bati i bini bèk.
Dalpega tabata falta tres out pa eliminá Baranka.
Baranka a bati 16 hit i nan no a pifia. Willem Felicia tabata esun ku a bai ku e viktoria. Ericson Martina a bai di 3-2.
Ramsey Rogers, Edmar Cornelia, Sepherine Adriana, Luigi Virginia i Raimy Janga a konektá un homerun kada unu.
Dalpega a bati 15 hit i nan a pifia na 2 okashon.
Michaelangelo Boekhoudt a sufri e derota i Eugene Martijn a bai di 4-3.
Michelangelo Cijntje tambe a bati di 4-3.



Standing Final Liga van Engelen

1. Swift 17-2
2. Buena Vista Power 16-4
3. Baranka 15-5
4. Dalpega 13-6
5. Jaws 10-9
6. Uniko 9-10
7. Navegantes 8-11
8. Crazy Tigers 8-11
9. Lions 3-16
10. Quisqueya 1-18
11. Marlins 1-9



BATEO
Julien Ignacio (Swift) .643
Gregory Reina (Baranka) .643
Jair Josepha (Swift) .640
Rayan Samuel (Dalpega) .595
Silvio Cruz (Swift) .579
Sherman Schoop (Navegantes) .571
Miro Daal (Buena Vista Power) .547
Shannon Kleinmoedig (Uniko) .547
Bryan Kook (Jaws) .520
Raylon Fransisca (Dalpega) .511


HOMERUN
Jair Josepha (Swift) 18
Silvio Cruz (Swift) 15
Julien Ignacio (Swift) 14
Royston Jacoba (Power) 12
Gilbert Juliet (Power) 11
Quincy Kook (Jaws) 11
Mayron Martinus (Baranka) 11
Michelangelo Cijntje (Dalpega) 7
Merieldo Trinidad (Power) 7
Sepherine Adriana (Baranka) 6
Albert Hartogh (Jaws) 6
Bryan Kook (Jaws) 6
Stanford Landburg (Baranka) 6
Djuric Pietyersz (Swift) 6


PICHEO
Jose Obispa (Dalpega 9-0
Norman De Roon (Power) 6-0
Kenrich Hellement (Baranka) 6-1
Johan Cicilia (Swift) 9-2
Gustaaf Barhorst (Uniko ) 8-6