Play-off Comishon Pro Softball Organiza a kontinua na Aruba wikent 29 i 30 di september

ORANJESTAD - Play off di Comision Pro Softball Organiza a continua.
Universal Trophy ta bons bek i ayeranochi mester tabatin un wega desisivo. Jaguars ta gana Digicel Devils 4-3.
E tremendo campeonato di Comision Pro Softball Organiza ta den su fase final. Un campeonato bon hinka den otro cu alrededor di 130 wega hunga awor ta den trayectoria di playoff pa determina campeon den kada liga. Den dobble-A esaki ya ta conosi cu Royal Power a sweep Gess Power 3-0 den best out of five pa titula campeon. Den A-Clas sinenbargo Universal Trophy ta forza un wega mas. Despues di tabata atras 2-0 den e serie a reaciona y a manda bisa Accountant Kantoor Arrindell bay cas bek cu tur e champagne cu nan a trese veld diadomingo na Calabas y bin bek diaranzon na Kudawecha cunan y bin purba boso suerte.

Den Liga Orkidia e liga di flornan bunita Jaguars a bay ariba 2-0 den nan serie di best out of five ganando Digicel Devils cu score preta 4-3 diadomingo ultimo riba veld di Calabas. Jaguars 4 careda, 4 hit, 1 error. Digicel Devils 3 careda, 5 hit, 3 error. Pitcher ganador a resulta Zagyra Jones y Ludmila Geerman a bay cas cu e derota. Tur dos pitcher a lanza un partido sublime. Mihor bateadornan pa Digicel ta Jesmina Rasmijn 3-2, Juraima Eduards 1-1. Pa Jaguars tabata tin 4 hungador cu 1 hit den 3 turno. Den A-Clas Universal Trophy ta alarga e serie ganando Accountant Kantoor Arrindell cu score di 11-6. Universal Trophy 11 careda, 13 hit, 3 error. Accountant Kantoor Arrindell 6 careda, 10 hit, 5 error. Wega tabata empata na 5 careda te den di 5 inning unda Universal Trophy a coy un rally di 6 careda cu batazonan clave contra di Rodney Geerman ayuda cu algun error y ta seya nan victoria. Albertico"Tico"Loopstok ta bay henter e ruta y ta bay cas cu e victoria. Frederick Krozendijk ta habri pa Accountant Kantoor y ta ser releva pa Rodney Geerman kende ta carga e derota y na su turno ta haña relevo di Raymond Dirksz. Mihor bateadornan pa Universal Trophy ta Andrew Loopstok 3-2, Alvin Pereira 5-3, Mario Kwidama 4-2 y Joderick Briezen 2-1. Pa Kantoor Arrindell a destaca na bate Jarzinho Figaroa y Emilio Berlis di 3-2, Andy Figaroa 4-2, Ruben Geerman 2-1. Accountnt Kantoor Arrindell ta dilanti 2-1 den e serie.