Lions ta dal Swift saka for di play-off Liga 40

VAN ENGELEN - Lions ku ta eliminá a presentá fuerte ayera i gana Swift ku skor di 7-5 i asina saka Swift for di play-off Liga 40.

Swift tabatin mester di un viktoria den e último wega di play-off Liga 40 ku a tuma lugá ayeranochi na Suvek Ballpark.Ku un viktoria Swift lo a forsa un tripel empate, Lions ku picheo di Guus Barhorst ta gana e wega.

NUMERITONAN
Lions a nota na 7 okashon bati 7 hit i hasi 4 eror. Guus Barhorst a gana i Candido Adamus a bati 3-2.
Swift a bati 6 hit i hunga sin eror. Victor Silverio a perde i Julien Ignacio a bati di 1-1. Victor Silverio tambe a bati di 1-1. Edward Martis tabatin un homerun pa Swift.

PLAY-OFF
Play-off ta start djamars 30 di oktober 2007 na Suvek Ballpark. Ekiponan ku a klasifika ta 1. Catpower, 2. Baranka, 3 Rising Trotters i 4. Jaws.
Catpower lo Sali kontra Jaws mientras Baranka lo enfrenta Rising Trotters.

LIDERNAN
Riley Toppenberg di Jaws a resulta kampion bate, Winston Kirindongo di Catpower i Rignald ‘Naai’ Hooi di Rising Trotters a sali lider di homerun ku 7 homerun. Sherman Leonora ku tabata entre e lidernan no tabata sufisiente turno.



LIGA 40
Riley Toppenberg (Jaws) .536
Giovanni Toppenberg
(Jaws) .516
Cedric Curiel (Bar) .500
Sidney de Windt (Catpower)
.483

HOMERUN
Rignald Hooi (Rising Trotters) 7
Winston Kirindongo (Catpower) 7
Edmar Cornelia (Bar) 5
Arlyson Rodriguez (Jaws) 5
Sherman Leonora (Catpower) 5

PICHEO
Norman de Roon (Catpower) 7-0
Wim Felicia (Catpower) 4-0
Ralph Hermans (Lions) 3 -1