Veteranos i Domi ta gana un wega den e gran final

ZAPATEER - E gran final di Liga Amistad a tuma lugá djadumingu 21 di òktober na Ricardo Elhage Ballpark.
Domi a nòkout Veteranos den e promé wega, miéntras Veteranos a bira pone bèk pa Domi.
Domi a gana promé wega 13-3, despues Veteranos ta gana wega number dos ku skor di 24-13. E wega finalísimo lo tuma lugá djadumingu 28 di òktober 2007, 2’or pm na Zapateer.


Djadumingu 21 di òktober
Domi Nature Valley 13, Veteranos San Marco 3
E ekipo Domi Nature Valley a bati 11 hit i nan a hasi 2 eror.
Ellerick Rodriguez tabata esun ku a bai ku e viktoria i Ian Ignacio a bati di 2-2.
Shurandy Lourens a konektá 2 homerun.
Dave Kirindongo, Farley Kip, Dayron Matrona i Kuernel Adelina a konektá unu.
Veteranos San Marco tabatin 6 hit i nan a hasi 3 eror.
Albertico Isenia a sufri e derota i Mayron Martinus a bai di 1-1.
Robertico Ramazan i Mayron Martinus a konektá un bataso di kwater skina.

Veteranos San Marco 24, Domi Nature Valley 13
Veteranos San Marco tabatin 22 hit i nan a kometé 4 eror.
Willem Felicia a resultá e picher ganadó, miéntras Faisel Pereira a bai di 4-4.
Remy Thielman a konektá 3 homerun.
Mayron Martinus, Sidney de Windt, Faisel Pereira, Ivar Martis i Albert Pieternella a konektá un homerun.
Domi Nature Valley a bati 15 hit i nan a pifia na 6 okashon.
Joel Balentina tabata e pèrdèdó i Shurandy Lourens a bai di 4-4.
Dave Kirindongo, Shurandy Lourens i Kuernel Adelina a bati un bataso di kwater skina.



PREMIONAN
Kampion kampionato Regular: Veteranos San Marco;
Ekipo mas disiplina: Magic Softball Team;
Kampion Bate: Matias de Leon (Arpo);
Lider Homerun:Norvaniel Aniceta (GGD);
Mihó picher: Albertico Isenia (Veteranos).

E ekipo Arpo a keda na di tres lugá.
Despues di final lo saka e MVP, ekipo kampion i supkampion.