Catpower i Bombers ta gana dos wega den Round Robbin di Liga Trai Seru

TRAI SERU - Catpower i Bombers, ekiponan kampion i supkampion aña pasá den Liga Trai Seru a gana dos wega den wikènt. Round Robbin di Liga Trai Seru a start djaluna 24 di sèptèmber i a sigui djabièrnè i djasabra na Cirilo Chirino Ballpark.

RESULTADONAN
Djabièrnè 28 di sèptèmber
Bombers 15, Gamers 3
E ekipo Bombers tabatin 15 hit i nan a kometé un eror.
Edwin Martina tabata e ganadó i Stanford Landburg a bai di 2-2.
Geronimo Daflaar a konektá un homerun.
Gamers tabatin 5 hit i nan a hasi 3 eror.
Martin Eustatia tabata e pèrdèdó i Sharlon Hanst a bai di 1-1.

Catpower 17, Padres 6
Catpower a bati 13 hit i hasi 1 eror.
Jo-Andy Balentina a gana i Remy Thielman a bati di 3-3. Remy Thielman i Silvio Cruz a dal 2 homerun.
Padres a bati 6 hit i hasi 4 eror. Faisel Pereira a pèrdè i Merieldo Trinidad a bati di 3-2.
Merieldo Trinidad i Faisel Pereira tabatin un homerun.

Djasabra 29 di sèptèmber
Catpower 10, Gamers 3
Catpower a bati 12 hit i hasi 1 eror.
Norman De Roon a bai ku e viktoria.
Remy Thielman a bai di 2-2 i Enrique Kroon a bai di 3-3.
Silvio Cruz i Remy Thielman a konektá un homerun.
Gamers tabatin 4 hit i nan a hasi 1 eror.
Sharlon Hanst a sufri e derota i Edphrim Cicilia a bai di 2-2.
Ivar Martis a konektá un homerun.

Carpatula 15, Padres 5
Carpatula tabatin 13 inkogibel i nan a hasi 1 eror.
Ronald Mingeli a gana, miéntras Richinel Ostiana a bai di 1-1.
Sharlon Louisa, Ruwel Matrona i Richinel Ostiana a konektá un homerun.
Pa Padres 11 hit i 3 eror.
Rodney Windster a pèrdè i Ryan Francisco a bai di 3-3.
Raimy Janga tambe a bai di 3-3.

Bombers 12, Skarlo 8
E ekipo Bombers tabatin 12 hit i nan a hasi 1 eror.
Picher ganadó tabata Kenrick Hellement i Jurgen Kronstadt a bai di 2-2.
Skarlo tabatin 11 hit i nan a kometé un pifio.
Kenneth Ortega tabata e pèrdèdó i Emerick Agatha a bati di 2-2.
Lindomar Cathalina i Mayron Martinus a konektá un homerun.