International MLB Baseball Clinic a resultá eksitoso

WILLEMSTAD - Di 8 di sèptèmber pa 14 di sèptèmber a tuma lugá na Tio Daou Ball park un tremendo klínika di beisbòl yamá '1st Annual International Baseball Clinic 2008'
E klínika a keda organi-sá pa Major League Baseball, US Consulate General, Curacao Baseball City Foundation i tambe Fundashon Sedreko.

Un total di e 40 mihó peloteronan di Kòrsou entre e edatnan di 14 pa 18 aña i tambe 12 coach lokal a tuma parti na e eksitoso evento anual aki.
Huntu ku e coachnan i e peloteronan aki tabata presente, MLB director of Baseball Operations Latin America, sr. Ronaldo Peralta i tambe 4 coach ku ta representá ekiponan di Grandes Liga na República Dominicana. Nan ta
Felix Feliz-San Diego Padres;Ezequiel Sepulveda-Los Angeles Dodgers;
Miguel de la Mota-Washington Nationals i
Jose Gonzalez-Boston Red Sox.

Tabata un evento úniko i un primisia pa Korsou.
Major League Baseball a tuma bon nota di e logronan ku CBCF a bin ta yega na dje e último añanan aki, spesialmente den e showcase, kaminda ku 11 pelotero a risibí un scholarship pa bai studia na Merka.
For di e momentu aki MLB a mira ku e organi-sashon ta serio i konfiabel.
Major League Baseball i Curacao Baseball City Founda-tion aktualmente tin un relashon hopi estrecho i pa medio di e konfiansa aki Major League Baseball lo bai sigui yuda beisbòl di Kòrsou pa medio di CBCF.

Sr. Peralta tabatin un estadia aki na Kòrsou inolvidabel i e coachnan tambe a pasa de mara-villas aki na Kòrsou i sigur nan lo ke bini bèk pa trabou i tambe fakansi huntu ku nan famia.

Un danki speshal ta bai na tur e spònsernan ku a kontribuí ku e evento aki:
US Consulate General of Curacao, ku a kontribuí ku pechi pa tur 40 pelotero i coachnan i tambe materialnan di beisbál pa e klínika;
Fundashon Sedreko ku tambe a yuda ku algun material di beisbòl; Curacao Marriott Hotel and Casino ku a hospedá tur nos MLB membersnan;
Caribbean Bottling Company (Pepsi), ku a sòru pa awa i limonada Pepsi pa tur hungadó i coachnan durante un siman;.
Napa Auto Parts ku a sòru pa e trip den yate den Spaanse Water pa tur e coachnan di MLB i tambe e coachnan lokal;Senal Sign, tambe a yuda ku printing di tur banners;
Exito supermarket ku tambe a yuda ku fruta pa tur hóben despues di training.

Un danki speshal tambe ta bai na tur medionan di prensa ku tambe a yuda sostené i promové e gran evento aki.
Trainingnan i inskripshon a kuminsá djarason 17 di sèptèmber di 4 or pa 6 or di atardi. Esaki ta trainingnan pa preparashon pa e 2nd annual Curacao Internaional Baseball Showcase lo tuma lugá desèmber próksimo.
E fecha eksakto lo wòrdu anunsia despues.