Swift i Baranka ta terminá empatá na di dos lugá den Liga van Engelen

WILLEMSTAD - Swift a dal Baranka duru djadumingu último i empatá na di dos lugá ku rekòrt di 15-3.
Buena Vista Power a resultá nan so na promé lugá ku 16 ganá i 2 pèrdi.
Dalpega a terminá number 4 den Liga Van Engelen i ta drenta play-off relativamente fásil.

Liga van Engelen ta pen-diente pa un wega di deskite entre Swift i Baranka pa start play-off djadumingu awor.
Awaseru ta kai pisá e dianan aki i hungadó ku fanátikonan ta pendiente di e wega aki.

Djadumingu 12 di òktober
Dalpega 19, Uniko 9
E ekipo Dalpega tabatin 20 hit i nan a kometé 1 eror.
Jose Obispa tabata e picher ganadó, miéntras Rayen Samuel a bai di 5-4.
Rachid Jacobs tambe a bai di 5-4.
Maikel Bitorina a konektá un homerun.
Uniko a bati 15 hit i nan a hasi 2 eror.
Gustaaf Barhorst tabata e pèrdèdó i Lindo Rosa a bai di 3-3.
Lindsey Laken a konektá 2 homerun.

Jaws 8, Lions 7
Jaws a bati 10 hit i nan a kometé un pifio.
Rodney Windster tabata esun ku a gana, miéntras Ericson Senior a bai di 4-3.
Pernell Sprott, Ericson Senior i Hubert v/h Kruys
a konektá un bataso di kwater skina.
Pa Lions 10 hit i 1 eror.
Pèrdèdó tabata Fracees Isaac.Raily Cordilia a bati di 3-2. Wendell v/h Kruys a konektá un homerun.

Buena Vista Power 22, Navegantes 6
Buena Vista Power a bati 21 hit i nan a kometé 1 pifio.
Norman de Roon a bai ku e viktoria i Renato Anasagasti a bati di 3-3.
Mayron Wijman a konektá un homerun.
Navegantes tabatin 9 hit i nan a hasi 3 eror.
Lesly Martina a sufri e derota i e mes a bai di 1-1.
Lyndon Magloire a konektá un homerun.

Swift 14, Baranka 2
E ekipo Swift a bati 10 hit i nan no a hasi eror.
Juan Cicilia a resultá e ganadó i Maikel Phillips a bai di 1-1.
Marwin Wijman a konektá un homerun.
Pa Baranka 6 hit i 2 eror.
Eldred bakker a pèrdè i Raimy Janga a bai di 2-2.