Tur kos por pasa ainda den final di beisbol veterano

WILLEMSTAD - Otrabanda a sòru pa un empate na di 4 luga di klasifikashon den final di Beisbòl Veterano ora ku nan a gana di Azucar ku skor di 9 pa 7. Despues di tabata perdí e tim di Otrabanda a bin bèk ku yudansa di un tremendo relevo di Pepe Meulens huntu ku tripel bari base di di Norman “Slòbò” Sloop pa gana di Azucar.

Pa Otrabanda 9 kareda 8 hit i 3 eror. Picher ganadó Pursey “Pepe” Meulens. Miho bate Railey Toppenberg di 3 – 2. Pa Azucar 7 kareda 6 hit i 4 eror. Picher perdedo Royston Privania. Miho bate Richenel Boeldak i Frank Leuteria di 1 – 1. Yesterday ta gana pa default ora ku Surprise no por a kompletá.

The Bears ta gana di Eagle veterans ku skor di 11 pa 2. Pa The Bears 11 kareda 10 hit i 0 eror. Picher ganadó Deron Clara. Miho bate Geronimo Daflaar di 3 – 3. Pa Eagle 2 kareda 4 hit i 2 eror.
Picher perdedo Gladwin La Cruz. Miho bate Cedric Curiel i Denley Marten di 2 – 2.

Sta Rosa Memories a gana di Nos Union ku skor di 11 pa 0. Pa Sta Rosa 11 kareda 12 hit i 0 eror. Picher ganadó Edmond “Momon” Martina. Miho bate Shurnold “Pong Pong” Martina di 4 – 4.
Pa Nos Union 0 kareda 1 hit i 3 eror . Picher perdedó Roland “mackaay” Pinto. Miho bate Ray Eduarda di 2 – 1.

E situashon na final di e kampionato a bira sumanente interesante. Otrabanda i Azucar ta empatá na di kuater luga di klasifikashon. Falta un wega so di kampionato regular ku ta e wega entre Sta Rosa i Yesterday ku a keda empata. Dependiendo di e resultado di e wega ei lo por tin empate na prome luga of triple empate na di kuater luga .Weganan ku tin p’e fin di siman aki lo ta djadumingu na velt Vi Jansen. Pa 11 or Sta. Rosa Memories kontra Yesterday. Pa 2 or Azucar kontra Otrabanda.
E wega aki ta prome wega di deskite. Standing ne momentu aki:


The Bears 15 – 2
Sta Rosa 14 – 2 1 emp.
Vosama 12 - 5
Azucar 9 - 8
Otrabanda 9 - 8
Yesterday 8 - 8 1 emp.
Surprise 5 - 12
Eagle 3 - 14
Nos Union 3 - 14
Un invitashon ta bai na tur amante di bon beisbol pa bin wak e weganan di Beisbol veterano