Arthur Bonevacia ta bandoná e ekipo di Royal Scorpion i firma ku Wild Cats

WILLEMSTAD - Di fuentenan ku no sa faya nos a keda informá di e echo ku Arthur Bonevacia ta a bandoná e ekipo di Royal Scorpions i firma ku Wild Cats.

T'asina ku nos a keda informá ku Arthur a bisa na algun hende ku e no ke hunga pa Scorpions mas i e lo ke finalisá su karera di beisbòl den otro ekipo. Riba e pregunta dikon e lo ke bandoná e ekipo di Royal Scorpions , aparentemente Arthur lo no ta muchu kontentu ku e manera ku Scorpions lo a trata nan antiguo presidente ku ta Sherwin Casper.
Riba nos pregunta na nos fuente unda Arthur a mustra interes pa bai, nos fuente a kontestá nos ku Arthur lo ke kaba su karera serka Sta. Maria Pirates. Ta un echo ku Arthur a hunga hopi aña ku e organisashon di Sta. Maria i su deseo ta pa e kaba su karera einan.
Mas aleu e fuente a bisa nos ku en bèrdat tin algun hungadó ku ta interesá di bandoná Scor-pions, pero asina ku aña bòltu lo tin mas di rumornan aki. En todo kaso fin di desèmber 2007 Arthur a basha firma ku Wild Cats.