Asina nos a keda informá di un bon fuente den Sta. Maria Pirates.
T'asina ku ya pa algun aña kaba tabata sirkulá e rumor di ku Dionny Joubert lo a pasa pa militá den e ekipo di Sta. Maria Pirates. Di nos fuente nos a bin komprondé ku e tersera base Joubert finalmente a disidí ku e ta hunga aña 2008 ku Sta. Maria.
Joubert a kuminsá su karera ku Royal Scorpions, despues ela disidí di pasa pa forma parti di Wildcats i e aña aki a disidí ku e ta pasa pa forma parti di e Piratanan di Pabou.
Pa loke ta Lenko Elisabeth, mester bisa ku e hóben picher aki tambe a disidí di basha su firma pa Sta. Maria Pirates. Lenko tambe ta un hóben ku tin un brasa salú i ku por gana sigur den nos beisbòl.
Lenko tabata militá den Wildcats, pero a disidí ku e ke kambia di unifòrm e aña aki.
E atkisishon di Elisabeth aki sigur lo por yuda e staf di picheo di e Piratanan, debí ku sigur e Piratanan tin mester di mas profundidat den nan picheo.
Djonny Joubert i Rivilien Elisabeth ku resientemente e firma ku Santa Maria Pirates
No comments:
Post a Comment