WILLEMSTAD - Informashon ku nos tin ta indiká ku e tremendo infielder/outfielder di Swift, Suli Cruz lo hunga Sòftbòl i Beisbòl na Aruba e aña aki.
Un ekipo grandi di un magnate lo manda buska e hungadó aki ku lo risibí un bon trabou na hermana isla Aruba.
Softballcuracao.com a mobilisá mesora i buska kontakto ku Suli Cruz ku a konfirmá ku tin interes pa e bai hunga Sòftbòl i biba na Aruba.
“Na Aruba nan lo regla tur asuntu fásil i lo mi hunga sòftbòl aya. Mi ta papiando ku mi kompañera di bida pa wak kiko mi ta bai hasi pero tur kos ta práktikamente kla pa mi bai. Lo mi bai probablemente despues di e biahe pa Santo Domingo ku Catpower.
Mi tin algun problema ku Swift, anto manera kos ta bayendo lo mi move pa Aruba.
Algun ekipo di Kòrsou tambe ku a tende di e pro-blema a aserkami, pero mi ta kere ku lo mi move pa Aruba”, Suli Cruz a bisa nos den un komberashon personal den fin di siman.
No comments:
Post a Comment