Swift lo presentá 4 hungadó i un manager mayan durante agasaho

Manera Softballcuracao.com a bin ta splika último simannan, Swift lo tei fuerte den 2008 i nan lo buska algun hungadó di nòmber.
Informashon ku Softballcuracao.com tin ta indiká ku mayan anochi na Klup Suvek Siwft lo presentá 4 hungadó i un manager nobo pa bai gera den temporada 2008.
E promé hungadó ta un tremendo primera base/outfielder slengu ku ya den pasado a reforsá Swift. E di dos tambe ta outfielder/ primera base slengu ku tambe a yega di reforsá Swift. E dos otronan ta pichernan di gran velosidat ku ta bati pa averahe i por kubri posishonnan den kuadro i outfield.
Pa loke ta trata e manager, ta un veterano pelotero ku no mesterr di introdukshon den nos pelota. Un tremendo manager sigur ku lo bai pone kosnan kana bèk den Swift. Ke mèn, Swift a la karga den 2008.
Otro informashon no ofishal ta indiká ku un hòmber grandi ku tin algun aña na Hulanda lo bolbe pa coach i move den kaya stail di ‘all around’ pa pone Swift riba pia bek.