WILLEMSTAD - “Naai Hooi tei den gran forma pa play-off di Sòftbòl Maskulino Fastpitch pichando pa Suffisant Eagles”, asina Jambo Ustatia doño di Suffisant Eagles a konta Softballcuracao.com.
Tabatin rumor ku Rignald’ Naai’ Hooi no por picha den play-off debí ku e no a hunga un wega den kampionato regular.
ELIGIBEL
Softballcuracao.com mesora a bai chèk si Naai Hooi ta eligibel pa picha den play-off. Nos tabatin e informashon ku Naai Hooi no por picha debí ku e no a hunga un wega den temporada regular.
Dirigente di Curacaose Softball Bond i di Fastpitch Pim Fangman a bisa nos ku Naai Hooi por picha.
Pim Fangman: “ Na momentu ku a kambia di tres buelta bai dos buelta a kita e regla ku mester picha minimo dos wega den temporada regular.”
No comments:
Post a Comment