WILLEMSTAD- Den transkurso di e fin di siman ku ta tras di lomba Fundashon Sedreko a risibí un yamada pa averiguá ku ta di bèrdat Fundashon Sedreko ta pidiendo sierto yudansa finansiero.
Segun informashon lo tin sigur un hende ku lo tin un papel ku riba dje un stèmpel di Fundashon Sedreko ku lo ta rekoudando fondo.
Gerensia di Fundashon Sedreko ke pone bon kla ku niun hende no tin outorisashon pa pidi ni plaka, ni niun donashon na nòmber di Fundashon Sedreko.
Den kaso ku kualke hende wòrdu aserka Fundashon Sedreko ta pidi pa no koperá i tuma kontakto ku polis. Kualke informashon por yama Fundashon Sedreko na telefon 461-4233.
No comments:
Post a Comment