Survivors kontra Carpatula i Harlem Power - Suffisant Eagles den play-off

WILLEMSTAD - Djaweps 24 di yanüari 2008 ta start ku e play-off Sòftbòl Maskulino Fastpitch bálido pa kam-pionato 2007/2008.
E promé partido pa 7.30 pm lo ta entre Survivors ku a terminá number tres den e buelta regular kontra Carpatula ku ta number 4.
9.30 pm Harlem Power ku a klasifiká number unu ta enfrentá Suffisant Eagles.

DJASABRA
E play-off ta sigui djasabra 26 di yanüari ku 2 wega i si ta nesesario lo hunga dos wega mas.
Pa 2'or pm Suffisant Eagles - Harlem Power i 4'or Carpatula - Survivors
Si e serie entre Suffisant Eagles i Harlem Power empatá lo tin un wega desisivo 6'or.
Pa 8'or tin un wega programá si e serie entre Carpatula i Survivors empatá.

KOMPETENSIA FUERTE
E kuater ekiponan ku a demostrá ku nan tin nivel haltu a klasifiká.
Harlem Power ku a klasifiká number unu tin e mihó one/two di Sòftbòl Fastpitch. Ta trata aki di Raichel Sambo i Edison Sambo. Edison MVP di dos aña pasá ta demostrando su kalidat ganando 5 sin pèrdè un wega e temporada aki ku un efektividat di bou di 2.00. Ultimo wega Edison Sambo a tira un no hit no run. Harlem Power tin hungadónan manera Mayron Wijman, Sherton Saturnino, Arlyson Rodriguez, Pim Wijman, Erling Gosepa (manager),
Merieldo Trinidad i otronan den gran forma.

Suffisant Eagles number dos di kampionato regular ta e aktual kampion. Eagles lo presentá ku mr. Naai Hooi den e promé wega. Eagles tin Bosh Lucasius ku tabatin un tremendo temporada. Suffisant Eagles tin e superstar Jair Josepha ku ta bèk den play-off, Dave i Randy Kirindongo, e senshashonal shortstop i tremendo batiadó Andrelton Simmons i Andley Simmons entre e lidernan den bateo atrobe. Suffisant tin tambe e veteranísimo Renato Anasagasti i Miro Daal komo manager.

Survivors, ekipo ku tin mayoria hungadó di Baranka a hunga un tremendo final aña pasá, pero a kai vensí kontra Suffisant Eagles den un wega finalísimo.
Survivors tin nan picher estelar Edward 'Bati' Pieternella ku tabatin un tremendo kampionato. Bati a karga e ekipo di Pariba durante henter e temporada ku su tremendo picheo. Survivors ta wòrdu konsiderá e ekipo ku mihó bateo: nan tin Stanford Landburg, Edmar Cornelia, Sendley Reina, Johnny Balentina, Pito Postina, Nelo Juliana, Ryan 'Djaka' Ogenia ku a terminá lider apsoluto den homerun i Mayron Martinus. Un line-up realmente resio.

Carpatula ku a terminá number 4 den temporada regular ta konta ku picheo di e hoben prometedó Angel Brunken ku a gana i pèrdè tur wega pa Carpatula.
E ekipo bou di direkshon di Hensley Josephina a sor- prendé varios di e ekiponan ku a klasifiká durante temporada tras di picheo di Angel Brunken.
Carpatula tin hungadónan hoben ku ta konektá e bala fuerte i fileá tremendo ma-nera Lenco Elisabeth, Marvin Loduwika i otronan.
Carpatula tin algun veterano ku ta hasi e trabou, entre otro, Michael Betorina, Michiel de Roon, Hensley Josephina i algun otro.
Fanátiko bin yuda engrandesé e deporte di Sòftbòl Maskulino Fastpitch ku un tempu tabata e mihó den region.



.