Harlem Power ta gana Survivors 3-1 den un tremendo partido djaweps anochi

TRAI SERU - Harlem Power ku tremendo picheo di Edison Sambo ta gana Survivors ku skor di 3-1 ayeranochi na Cirilo Chirino Ballpark den kontinuashon di Fastpitch.
Edison Sambo tabatin hermétiko pa su ekipo nobo Harlem Power. Manera ta konosí Edison Sambo a picha e dos temporadanan anterior den Santa Maria Power ku no a partisipá e aña aki.
Edison Sambo tabata MVP di kampionato regular i play-off temporada 2005-2006 ku e ekipo di Santa Maria Power ku a bira kampion.

E WEGA
E tremendo partido aki tabata 1-1 te den di 6 inning. Harlem Power ta logra nota 2 kareda den bom di di 6 inning i Edison Sambo ta logra saka Survivors 1, 2, 3 den di 7 inning pa Harlem Power gana e wega. Eduard ‘Bati’ Pieternella a tira tremendo, pero mester a konformá su mes ku e derota.

NUMERITONAN
Harlem Power 3, Survivors 1
Harlem Power a dal 4 hit i hasi 2 eror. Edison Sambo a gana. Hubert Perozo, Arlyson Rodriguez, Victor Caldera a bati di 3-1.
Suvrivors a konektá 3 hit i hasi 5 eror.
Edward Pieternella a resultá e picher pèrdèdó i Edmar ‘Boy Motor’ Cornelia a bati di 2-1.


STANDING
Suffisant Eagles 6-2
Harlem Power 6-2
Carpatula 4-2
Survivors 4-3
Clase Aparte 2-6
Molester 0-7