No tin fecha stipulá pa Torneo Super-Cup tuma lugá

WILLEMSTAD - Super Cup ku tabata eksitoso aña pasá ta wantá debí ku Liga van Engelen no a hunga final ainda.
Softballcuracao.com a kombersá ku Pim Fangman ku ta e motor tras di Super Cup.
Pim a bisa nos ku e komishon organisadó ta pendiente di e wega finalísimo di Liga van Engelen.

Pim: “Ya, aworaki nos ta den temporada di Karnaval i nos ta pendiente ketu bai di e kampion di Liga van Engelen pa nos start. Mayoria tim a konfirmá nos ku nan lo tei i ta Liga van Engelen nos ta warda. Super Cup tei pa keda i ta gewon mester warda un ratu.
Nos no ta pone fecha ainda. Añá pasa e torneo a dal duru i ta programá pa mas o menos tres siman. E aña aki nos tin 4 kategoria atrobe.”