Buena Vista Power di Liga van Engelen lo bai evaluá si lo sigui hunga den e liga

WILLEMSTAD - Siman pasá Buena Vista Power ku aña 2008 a bira kampion di Liga van Engelen tabatin un reunion urgente.
E grupo enkabesá pa Win Celestina ku a sigui ku Buena Vista Power a hasi e ekipo kampion e tene e reunion ku e hungadónan.
Despues di a papia intensamente a yega na desishon ku lo puntra tur hungadó unu pa unu si ta kontinuá den Liga van Engelen.

KONTINUASHON
Den kaso ku risibí OK di mayoria hungadó pa sigui, e ekipo lo sigui den Liga van Engelen bou di otro nòmber i lo buska tambe un otro spònser.
Ta parse ku definitivamente e Buena Vista Power ku a bira kampion bou di Win Celestina a kibra e relashon (deportivo di Slowpitch) ku Chal Sint Jacoba i Roy Jacoba.