Kooyman ta gana den femenino i pèrdè den maskulino ayeranochi den Torneo Kopa Joy Alberto

WILEMSTAD - Torneo Kopa Joy Alberto a kontinuá ayeranochi na Ciirlo Chirino Ballpark.
Den e promé partido e ekipo di Polis a logra un viktoria di 8-2 riba Kooyman maskulino.
Den wega number dos Kooyman femenino ta logra pasa riba Building Depot. Apesar ku Kooyman tin un tremendo ekipo Building Depot a duna un bon partido.

DJASABRA
Djasabra ta kandela tin ora play-off semi-final di Kopa Joy Alberto start den e parti kompetitivo.
Pa 4’or Baranka lo enfrentá Dalpega i pa 6’or tin e asina yama ‘Power Clash’ Buena Vista Power lo topa Catpower den un wega ku lo bira tremendo.
Por spera Naai Hooi den relevo un ora pa otro di parti di Buena Vista Power kontra Catpower.