GGD ta gana Swift ku skor di 9-5 i klasifiká pa play-off semi-final den Torneo Kopa Joy Alberto III

WILLEMSTAD - GGD a sorprendé Swift djasabra último ku un viktoria di 9-5 den e torneo Kopa Joy Alberto III na Cirilo Chirino Ballpark. Parse ku Swift a bini pa Homerun Derby enbes di bini pa hunga Sòftbòl.
E ekipo di Swift a nota 5 kareda riba 5 homerun solitario.
Tencho Ursulita èks-Swift tabata grandi pa e ekipo di GGD na segunda ku tremendo trabou defensivo.

E picher di GGD Anthony Servania a sabi di tene e batiadónan di Swift for di base pa asina no permití homerun ku koredó na base.
Ku dos viktoria siguí te na e momentunan ei GGD a logra klasifiká.
Masha tempu GGD no a
klasifiká den e torneo Baranka.
Na aña 1992 GGD a bira kampion di Torneo Baranka (Kopa Joy Alberto).

KLASIFIKASHON
Ekiponan ku a logra klasifiká ta GGD, Baranka, Buena Vista Power i Catpower.
E weganan bálido pa klasifikashon lo hunga djasabra 31 di yanüari 2009 na Cirilo Chirino Ballpark.

SKEDJEL
Djasabra 31 di yanüari 2009
16.00 GGD - Baranka;
18.00 Buena Vista Power vs Catpower.

Resultadonan Kopa Rotativo Joy Alberto III
Djaweps 22 di yanüari
MCB 18, Kooyman 8 (Mask)
Building Depot 10, Polis 2 (Mask)
Djabièrnè 23 di yanüari
Casa Cesar 9, Citco 8 (Mask)
Kooyman 7, Polis 4 (Fem)
B.V. Power 11, Dal Pega 4 (Pul A)

Djasabra 24 di yanüari
GGD 9, Swift 5 (Pul B)
Catpower 9, Quisqueya 3 (Pul B)
MCB 7, Polis 3 (Mask)
Dal Pega 16, Navegantes 15 (Pul A)
Baranka 13, B.V. Power 12 (Pul A)
Building Depot 7, Casa Cesar 4 (Mask)

Djadumingu 25 yanüari
Swift 6, Quisqueya 2 (Pul B)
Baranka 14, Navegantes 1 (Pul A)
Catpower 11, GGD 5 (Pul B)
Citco 15, Kooyman 0 (Mask)
Fatum 8, Building Depot 1 (Fem)