Survivors ta gana Suffisant Eagles den Sòftbòl Maskulino Fastpitch

WILLEMSTAD - Survivors ku picheo di Edward ‘Bati’ Pieternella a gana Suffisant Eagles ku skor di 4-3 djaweps 22 di yanuari den kontinuashon di Sòftbòl Maskulino Fastpitch na Suvek Ballpark.
Den e otro wega Carpatula a dal Clase Aparte 5-3.

RESULTADONAN
Survivors 4, Suffisant Eagles 3
Survivors a konektá 2 hit i hunga sin eror. Edward ‘Bati’ Pieternella a gana i Senny Petronella a bati di 1-1 ku un homerun.
Suffisant Eagles a konektá 5 hit i hasi 1 eror. Shahairy Ustacia a resultá e picher pèrdèdó i Lejeunne Francisca a bati di 1-1. Randolph Kirindongo tabatin un homerun.

Carpatula 5, Clase Aparte 3
Carpatula a konektá 3 hit i hunga sin eror.
Picher ganadó tabata Angel Brunken i Vernon Bautisma a bati di 1-1.
Clase Aparte a bati 2 hit i hasi 6 eror. Wensley Silberie a resultá e picher pèrdèdó i Stanley Girigorie a bati di 2-1. Robert Anastacia tambe a bati di 2-1.

Fastpitch ta kontinuá djamars awor ku dos wega na Suvek Ballpark.