Ekipo Destroyers ku eks- hungadonan di Buena Vista Power lo partisipá na Liga van Engelen 2009

WILLEMSTAD - Un ekipo nobo ku lo hiba nòmber ‘Destroyers’ lo partisipá na Liga van Engelen 2009. Ta trata aki di ekipo di Win Celestina i hungadónan ku a forma parti di Buena Vista Power ku a bira kampion di Liga van Engelen 2008.
La Prensa Slowpitch a risibí un komunikado ofishal di e ekipo.

KOMUNIKADO
“Manera a primintí na bo persona ku awe lo bo hanja un relato di e desishon ku nos a tuma pa ku e ekipo di liga van Engelen.

Despues di un reunion ayera nochi nos a disidí huntu ku hungadó ku nos lo partisipá na Liga van Engelen 2009. Esaki outomátikamente ta nifiká ku nos lo no bai hunga bou di e nòmber di Buena Vista Power.

Den un esfera ameno i ku aprobashon di hungadónan presente nos a yega na e desishon ku entrante awe 23 yanüari 2009 nos lo hunga bou di e nòmber di Destroyers kual ta wòrdu deskribi den e sigiente forma: Den terminologia naval, un Destroyer(destructor) ta un jet di guera lihe ku ta maniobra riba termino largu i duradero. Intenta pa escolta barkunan mas grandi den un flota of grupo di bataya i proteha nan kontra atakantenan mas chiki i di distansha kortiku.
Tambe nos a presentá nos logo na tur presente i esei ta lo sigiente: (check attachment)
Pues pa tur persona ku a kere ku ta open house tabata tin ultimo siman nan den nos ekipo, nan por lubida esei paso nos tei kompletu den 2009. Ku sosten di tur nos hungadó aktual i esun nan ku lo join nos e anja aki nos lo kompetí sanamente, i semper ku e meta ku nos ta sali nos kas pa dibertí. I di e manera aki nos ekipo lo sigi duna su aporte na e deporte si softball slowpitch di Kòrsou.”