Swift Amstel Tournament ta kla pa ranka sali. Djis despues di Karnaval e torneo ta start. Aña pasá no tabatin torneo pero manera ta konosí mr. Pim Fangman ta na Suvek i tur loke ta Sòftbòl ta den gran forma bèk na Suvek. Despues ku Pim a move pa Suvek, Sòftbòl a lanta kabes formal. Tantu Liga van Engelen, Liga Amstel, Liga 40 i awor Swift Amstel Tournament ta bèk.
Cicoza tabata kampion di e último Swift Amstel Tournament ganando Baranka den un gran final. Den e parti femenino SBAB a laga Polis den tereno den un wega dramátiko. Cicoza tabata bon reforsá den short ku Andrelton Simmons ku aworaki ta superstar den beisbòl.
E problema mas grandi ta ku tur aña Sint Maarten ta yen yen di turista for di region, for di Europa i naturalmente for di Kòrsou, Aruba i Boneiru en konekshon ku Karnaval di Sint Maarten. Ke mèn gewon no tin lugá riba avion, ni kaminda pa hende keda. Sint Maarten ta insistí ku nan por organisá e evento riba e fecha ei. Ban spera ku tur kos bai nèchi i ku e evento por tuma lugá e aña aki sea riba Aña di La Reina i Dia di Obrero.
No comments:
Post a Comment