WILLEMSTAD - Djarason, dia 7 di yanuari 2009 den oranan di anochi e hungadónan Edric Reenis, Raylison Gijsbertha, Joey Balentina, Hellary Plantijn i Enrique Kroon a papia ku e direktiva di Swift.
E reunion a tuma lugá na ofisina di un di e grandinan di Swift.
Tur e hungadónan aki a bisa “SI” na Swift pa nan bai gera e temporada aki.
SANGER NOBO
E lema di Swift e aña aki ta ‘SANGER NOBO’, ke mèn kambio kompletu ku hungadónan nobo pa asina bai pa e kampionato di Liga van Engelen.
Na e reunion tabata presente varios hungadó estelar di e ekipo manera Suli Cruz, playing-manager Vriendjes Cicilia, Jair Josepha i Julien Ignacio.
Presidente di Swift Sergio Leon a dirigí e reunion miéntras sr. Pipi Jesurun tambe tabata presente.
No comments:
Post a Comment