WILLEMSTAD - E torneo di Sòftbòl "Kopa Rotativo Joy Alberto 2009" organisá pa Bala Moli Club Baranka ta yega su final e fin di siman aki na Cirilo Chirino Ballpark na Tra'i Seru.
Djasabra tin e gran klèsh den semi-final ora Buena Vista Power topa Catpower 6’or. Baranka lo enfrentá GGD pa 4’or den e otro semi-final.
Pul A i pul B ta sekshon kompetitivo for kual lo saka e kampion di e kopa rotativo.
Den Pul A e ekiponan ku a klasifiká pa e semi-final ta Baranka i Buena Vista Power.
Den Pul B e dos ekiponan ku a klasifiká pa e semi-final ta Catpower i G.G.D.
Pa loke ta trata e ekiponan Komersial Maskulino i Femenino e weganan di e siman aki ta determiná kua di e ekiponan lo pasa pa hunga e final. Ambos wega final lo tuma lugá riba dja-dumingu 8 febrüari durante di e torneo internashonal.
E torneo internashonal ku ta tuma lugá djasabra i djadu-mingu 7 i 8 febrüari lo ta konta ku partisipashon di
dos ekipo di antiyano bibá
na Hulanda kualnan ta B.B.C Steen i S.B.C. Q-Sign Kiwegatin. Tambe lo tin partisipashon di e ekipo S.B.C. Braves di Aruba.
Despues ku Buena Vista Power a bolbe gana e di dos Kopa Rotativo Joy Alberto e aña aki lo tin un di tres kopa rotativo nobis nobis. E fin di siman aki lo tin un berdadero guera pa wak kua ekipo lo titulá kampion i asina ei bira e promé ganadó di e di tres kopa rotativo.
BUENA VISTA POWER
E wikènt ku a pasa e ekipo di Baranka a sorpresá tur hende dor di gana di e ekipo kampion Buena Vista Power huntu ku tur su profeshonalnan. Buena Vista Power a presentá ku Chulo Simon, Yurendell de Caster, Wecho Schoop, Jonathan Schoop, Kenley Jansen, Ardley
Jansen (èksprofeshonal) i
algun pelotero profeshonal mas.
CATPOWER
E ekipo di Catpower a presentá ku un selekshon di nos mihó peloteronan lokal manera Quincy Ascencion, Maiky Isenia, Quincy Martina, Luigi Alvarez, Rydell Isabella ets.
SWIFT
Otro sorpresa ta ku e ekipo di Swift ku tur e fuerte ekipo ku nan a presentá kuné, tòg nò a logra pasa pa e siguiente buèlta.
No comments:
Post a Comment