Historia di ekipo Uniko 27 aña den Sòftbòl Slowpitch na Kòrsou

WILLEMSTAD - Softballcuracao.com resientemente a risibí historia di e ekipo di Uniko.
Un tremendo ekipo di amigu ku ta dirigí pa Gustaaf ‘Guus’ Barhorst i Kessler ‘Paps’ Ersilia.
Nos ta kompartí e historia ku nos lesadónan.

HISTORIA
Na aña 1979 e ‘Personeels Vereniging’ di ABN Trust ku tabata yama Sondel a lanta un klup di Sòftbòl.
Sondel a yuda entre otro pa lanta e klup i a partisipá den Liga Un i Tur. Na anja 1981 e miembronan a disidí pa saka e sòftbòl for di Sondel i a lanta un klup separá i Uniko a wòrdu fundá.
E mesun miembronan a sigui pero ta solamente e nòmber a wòrdu kambia. Sintá na un snack despues di training e nòmber Uniko a wòrdu skohé for di varios nòmber i e ta un afkorting di Uni Ku Otro.
Un otro nòmber den tapara e tempu ei tabata "Boma" ku tabata un afkorting di bòter maron.

Uniko di spònser pa Unibind na entrega di uniform dia 16 di aprel 2008

Sondel a hunga kòrtiku den Liga Un i Tur i despues a sali for di e liga pa lanta un propio Liga na Kasa Grandi. Sondel entre tantu a bira Uniko i e Liga Kasa Grandi a draai solamente 2 aña i a kibra despues.
Uniko e ora ei no ta tin Liga pa hunga aden i a keda partisipá den diferente torneonan ku tabatin. Tambe e tempu ei regularmente nos tabata bai Aruba i Bonaire pa partisipá den torneonan.

Ekipo Uniko kompletu na Suvek dia 20 di aprel 2008


Nos a kuminsá hunga despues den Liga Marduga ku tabata hunga anochi na veld di Dok i na aña 1987 nos a bira kampion. Despues nos a yega di hunga den Kopa Basora i Liga Divi Divi. Tabatin asina tantu entusiasmo den e ekipo ku un aña nos tabata hunga den 2 Liga pareu tantu Kopa

Basora i Liga Divi Divi. Ora ku weganan tabata na mesun ora òf nèt tras di otro nos tabata parti e ekipo na 2 pa kuminsá hunga i despues e otronan tabata yega pa reforsá esnan ku tabata tei.

E kos di mas remarkabel di nos historia tabata un biaha den Kopa Basora i Chati ta tin komo premio un Mitsubishi Saporo (2nd hand si) pa e ekipo kampion. Awel Uniko a sali na di 7 lugá den kampionato i segun trapi mester a kuminsá hunga kontra nr. 6, nos a gana i topa nr. 5, gana atrobe i topa nr.4 den un serie best of 3, gana atrobe i topa nr.3 den un serie best of 5, gana atrobe i topa nr. 2 den un serie best of seven, gana e serie pa bai topa Sabana Gang i Chati a disidi e ora ei ku e serie ta bai den un best of 9!! Aki si gasolin a kaba i nos a pèrdè e serie pero no sin gana maske ta un wega di Sabana Gang.

Nan ta tin un bòm di un ekipo i nan tabata invikto den henter e kampionato. Na tur nos a hunga sigur 36
wega tras di otro. Chati tabata spantá pa e no pèrdè su Saporo i a hinka e skèdjel maton den otro pa nos. Despues ela nombra Uniko komo Equipo di Aña. Nos a haña un plakat masha great e tempu ei serka Chati ku nòmber di tur hungadó grabá riba dje.

Na anja 1993 nos a kumins 160 den Liga van Engelen kaminda ku mayoria biaha nos a kaba na di 5 òf 6 lugá. Na aña 1996 nos a kaba na di 3 lugá i na aña 1998 i 2000 nos a kaba na di 4 lugá. Aña 2006 tabata esun di mas malu den nos historia i nos a kaba na e 10 i penúltimo lugá.

Uniko tambe tabatin varios spònsernan den su trajektoria. Nan tabata Benschop, Studio Club, Vanddis, Bacardi, DRM + Mangusa , It Solutions i awor Unibind.

E ekipo a yega di biaha
varios bes pa Aruba, Bonaire, Venezuela, Costa Rica i Santo Domingo.

E ekipo ta train 2 biaha pa siman, anto ora Liga ta bai kuminsá tambe diadomingu mainta.
Semper nos ta sali fuerte den promé buelta pa despues hunga menos bon den di dos buelta, dor ku otro liganan ta kuminsá anto hopi hungadó no ta yega..

E nukleo di e ekipo ta hungando Sòfbòl ainda den Liga 40 +50.

Esaki ta e historia di Uniko skibi pa Gustaaf Barhorst.