Pim Fangman definitivamente presidente di Liga 40

Nos a risibí informashon for di e propio Pim Fangman ku e lo ta e presidente di Liga 40 ku ta hunga na Suvek Ballpark tur djamars i djaweps anochi.
Pim Fangman ta den un direktiva huntu ku Sergio 'Che' Liberia ku ta tesorero i Aschwin Macaay ku ta direktor di kampionato.

Liga 40 lo start dia 3 di yüni i lo sigui hunga tur
djamars i djaweps. Dia 29 di mei listanan mester t'adén
i tambe e suma di inskripshon mester ta pagá.

EKIPO NOBO
Ofishalmente Navegantes a drenta Liga 40.
E ekipo di Che Liberia ku tin hopi aña den Liga van Engelen i otro liga di hóbennan ta bai purba den Liga 40.
Hungadónan ku a hunga den otro ekiponan di Liga 40 durante aña 2007 no por partisipá den Navegentes.

FANATIKO
Softballcuracao.com ta pendiente desaroyonan di Liga 40 ku último añanan no ta halando masha fanátiko.
Tin reklamo pendiente di e ekipo Catpower pa loke ta trata kopanan ku nan mester a risibí di kampionato 2007.