Santa Maria Pirates ta gana Santa Rosa Indians 12-2 den apertura di Beisbòl Dòbel A

WILLEMSTAD - Santa Maria Pirates ku bon picheo di e atkisishon nobo Revelien ‘Lenco’ Elisabeth ta gana Santa Rosa Indians 12-2 djasabra 17 di mei den apertura di kampionato lokal di Beisbòl Dòbel A 2008 na Stadion Johnny Vrutaal.Lenco a tira 6 inning i 2 tèrsio pa bira e picher ganadó di e wega.E wega a bai relativamente fásil pa Santa Maria. Nan a laga Santa Rosa den tereno  anotando 4 kareda den bòm di di 7 inning pa pone e skor riba nòkout 12-2.Na apertura ofishal di temporada 2008 presidente di Febeko sr. Armin Konket huntu ku diputado di deporte Sr. Marylin Alcala Walle a hasi e akto ofishal di entrega un plakat di mérito na sr. Frank Curiel na ken e kampionato ta dediká.


Diputado di Deporte ta entregá di plakat na Frank Curiel na ken e kampionato ta dediká

NUMERITONAN
Santa Maria a nota na 12 okashon, bati 12 hit i hasi 1 eror. Nan a laga 10 koredo na base. Rivelien Elisabeth a gana i Luisgardo Alvares a abti di 4-3. Johannes Gregorius jr i Ardley Jansen a konektá bataso di kuater skina.Santa Rosa a skor 2 biaha, bati 5 hit i hasi 4 eror. Santa Rosa a laga 5 koredó na base.Raymond Martis a resultá e picher pèrdèdó i Rubert Ustacia a bati di 3-2.

Djadumingu 18 di mei
Groot Kwartier Stars Mangusa 11, Curacao Yankees 8
Groot Kwartier Stars a dal 16 hit i hasi 5 eror. Groot Kwatier a laga 5 koredó na base.Picher ganadó tabata Richene Martina i Sherton Saturnino a bati di 4-3 ku dos doblete.Curacao Yankees a dal 12 hit i kometé 6 eror. Yankees a dal 13 koredó na base.Sidney Antonia a pèrdè i Aldair Daal a bati di 3-3.