Liga Amstel a start den gran forma na Suvek djasabra ku 5 partido

E liga nobo na Suvek, Liga Amstel, a start tremendo djasabra último ku 5 partido.
Un bon públiko a akudí na Suvek Ballpark pa mira e 5 weganan ku a tuma lugá riba dos tereno.
Komo atrakshon tabatin un wega di Liga 60 den oranan di atardi.
E intenshon ta pa tur siman organisá un wega amistoso, komersial, soshal, durante e weganan di Liga.

SORPRESA
Djasabra tabatin sorpresa na momentu ku e ekipo Padres a gana Bombers ku skor di 10-8.
Riba homerun di Wensley Ansano e ekipo Padres a laga Bombers den tereno.

RESULTADONAN
Djasabra 10 di mei
Tereno A
Chincho Sharks 14, Pa Gosar 7
E ekipo Chincho Sharks tabatin 10 hit i nan a hasi 3 eror.
Raylison Gijsbertha tabata e picher ganadó, miéntras Robert Ramazan di 4-3.
Giovanni Martina a konektá un homerun.
Pa Gosar tabatin 8 hit i nan a kometé 10 eror.
Rolando Castro tabata e pèrdèdó i Piter Rodriguez a
bai di 3-2.


Bad Boys 17, Latin Caribe 3
Bad Boys a bati 18 inkogibel i nan a pifia na un okashon.
Witney Lucio tabata e ganadó, miéntras Lindsey Maccow a bati di 4-4 i Giancarlo Martina di 3-3.
Glendomar Davelaar i Giancarlo Martina a konektá un bataso di kwater skina.
Pa Latin Caribe 7 hit i 7 eror.
Juni Gutierrez tabata esun ku a pèrdè i Alejandro Becker a bai di 3-2.

Skarlo 11, Unidos 4
E ekipo Skarlo a bati 17 hit i nan a kometé un eror.
Eldert Bakker a gana i e mes a bai di 3-3.
Silvio ‘Suli’ Cruz a konektá un homerun.
Unidos tabatin 8 hit i nan a hasi 1 eror.
Michelangelo Boekhoudt a pèrdè i Rolando Barbara a

bati di 3-2.

Tereno B
Carpatula 21, Omel 9
Carpatula a bati 17 inkogibel i nan no a pifia.
Norman de Roon a bai ku e viktoria i Djuric Pietersz a bai di 3-3.
Jurick de Lanooy i W. Ricardo a bai di 2-2.
Gilbert Juliet a konektá un homerun.
Omel a bati 10 hit i hasi 7 eror.
Gilbert Henriette a sufri e derota.
Francis Petronilia a bai di 3-3.
Ivar Martis i Ingomar Jonis a bai di 2-2.

Padres 10, Bombers 8
E ekipo Padres a bati 15 hit i nan a pifia na dos okashon.
Anthony Servanie tabata e ganadó.
Wensley Ansano a bai di 4-4 inkluyendo un homerun.
Clifford Domatilia i Merieldo Trinidad a bati di 3-3.
Bombers tabatin 10 hit i na a hasi 2 eror.
Donovan Seferina a pèrdè, miéntras Luigi Virginia a bai di 2-1. Elfrick Sambo tambe a bai di 2-1.
Donovan Seferina i Stanford Landburg a bati di 4-2. Stanford Landburg a konektá 2 bataso di kwater skina.