Mon Repos Sluggers ta derotá Marlins 5-1 den Liga 50 i Caterpillar ta dal Catpower

WILLEMSTAD - Liga 50 a sigui djasabra na Cirlo Chirino Ballpark ku dos wega.
Mon Repos Sluggers a dal Marlins 5-1 i Caterpillar a gana su ekipo ruman Catpower ku skor di 6-1.
Djasabra 10'or tin tremendo wega entre dos ekipo invikto ku ta Jaws i Lions.

RESULTADO
Caterpillar 6, Catpower 1
E ekipo Caterpillar a bati 6 hit i nan a kometé 3 eror.
Siegfried Lopez a bai ku e viktoria i un total di 6 batia-dó a bai di 2-1.
Catpower a bati 6 hit i nan a hasi 4 eror.
Walter Samuel tabata e pèrdèdó i Siegfried Polonius a bati di 3-2.

Mon Repos Sluggers 5, Marlins 1
Mon Repos Sluggers tabatin 7 hit i nan a hasi 2 eror.
Lucien Oehlers a gana i Gerald Davelaar tabata e mihó na bate.
Marlins a bati 4 hit i hasi 3 eror.
Henny Allee a pèrdè i Lionel ‘Kora’ Sambo a bai di 2-2 den kousa perdi pa e ekipo di Jerry Booi.

STANDING LIGA - 50
Lions 4 - 0
Jaws 3 - 0
Caterpillar 3 - 1
Mon Repos
Sluggers 3 - 1
Los Amigos 1 - 2
Flamboyan 1 - 3
Marlins 0 - 4
Catpower 0 - 4