Santa Maria Refineria Isla ta gana Wild Cats Fatum den Beisbòl Big League Hubenil

WILLEMSTAD - Santa Maria Refineria dos biaha kampion siguí den Beisbòl Big League/
Hubenil a gana Wild Cats Fatum ku skor di 7-4 djasabra último den Stadion Johnny Vrutaal.
Djadumingu no tabatin wega di Big League.
Un selekshon di Big League/Hubenil lo representá Kòrsou den e kampionato Latino Americano di 20 pa 29 di yuni na Maracaibo (Venezuela).


Ekipo Hubenil di Santa Maria Refineria Isla, kampion beisbol Hubenil 2007

RESULTADONAN
Djasabra 10 di mei
Sta. Maria Refineria Isla 7, Wild Cats Fatum 4
E ekipo Sta. Maria a bati 8 hit i nan a kometé 3 eror.
Shandley Rosario tabata e picher ganadó, miéntras Rashid Ellis a bai di 4-2.
Wild Cats tabatin 15 hit i nan a hasi 9 eror.
Picher pèrdèdó a resultá Quinard Steward.
Radigmir de Windt a bai di 5-3.

Groot Kwartier Nutricia 6, Royal Scorpions Banco di Caribe 3
Groot Kwartier a konektá 9 inkogibel i nan a pifia na 1 okashon.
Ganadó a resultá Ruderly Manuel.
Jordan Lucas a bati di 3-2.
Pa Royal Scorpions 5 hit i 2 eror.
Shurwendly Elizabeth a pèrdè. Nathaniel Martis a batidi 3-1.